Monday, February 25, 2013

පුදුමෙකියි....


 

පුරා සඳ වී නැගී....
අමාවක වී මැකී....
සිත හදයි...
යලි බිඳියි....
නුඹ මහා....
පුදුමෙකියි....






ලිංගිකත්වය... ආදරය පෙරදැරි කර ගොඩනගන්න....






නදීකා බිම බලාගෙන පොලවේ එහා මෙහා යන පුංචි කුඹි දිහා ඔහේ කිසිම අරමුණක් නැතුව බලන් උන්නා....
ඒ ඔලුව උස්සල බලන්න තිබ්බ බයටද... ලැජ්ජාවටද කියල නදීකා කල්පනා කළා.....

1463...
1463 ඉන්නවද????

නදීකා ගැස්සිලා පියවි සිහියට ආවා....
හඬ බෑග් එක කරේ දාගෙන බිම බලාගෙනම කාමර අංක 3ට ගිය නදීකා ඩොක්ටර්ගේ මූණ බැලුවේ බලාපොරොත්තුවක් ඇස් දෙකේ තියා ගෙන නෙමේ....
ඩොක්ටර් රිපෝර්ට් එක අතට දෙන ගමන්ම නදීකට හෙමීට කොඳුරලා වගේ කිව්වා....
ඔයා රිපෝර්ට් කියවන්න දන්නවනේ නදීකා....

එච් . අයි . වී ඇන්ටිබොඩි ටෙස්ට් පොසිටිව්....

මුළු ලෝකෙම කැරකෙනවා වගේ දැනෙන්න ගත්ත නිසා නදීකා පුටුවේ පිටි පස්සේ ඇන්දට හේත්තු උනා.....
ඔහේ කඳුළු කැට කිසිම සද්දයක් නැතුවම කම්මුල් දිගේ ගලා ගෙන ගියා....
අවසාන ඇය අගේ හැඩීම බොහොම හෙමින් ඉකිබිඳුමකින් අවසන් කළා....


හ්ම්ම්ම්ම්....
නදීකා ඔයා දන්නවනේ.... ඉස්සර වගේ නෙමේ... දැන් ඕකට බෙහෙත් තියෙනවා... නිට්ටාවටම සනීප කරන්න බැහැ තමයි...
ඒත්...
වයිරස් ලෝඩ් එක අඩු කරලා ප්‍රතිශක්තිය නංවන්න පුළුවං බෙහෙත් වලින්....
අහන්න....
ඔයාගේ මහත්තයා රට යන්න කලින්ද බබාලා දෙන්නා හම්බ උනේ....

ඔව්... නදීකා ඔලුව වැනුවා....

හ්ම්ම්ම් ඒ උනාට කමක් නෑ ... අපි බබාලා දෙන්නවත් ස්ක්‍රීන් කරමු....
ඔයා කැමතියි නේද නදීකා....

ඔව් ඩොක්ටර්.....

මට මේ දේ උනේ මගේ වරදින් නෙමේනම්....
ඇයි ඩොක්ටර් මට මෙහෙම විඳවන්න වෙලා තියෙන්නේ????

නදීකාගේ විලාපය 3නේ කාමරය පුරා දෝංකාරය දුන්නා.....



ලිංගිකත්වය හඹා යන්නනි....
ඉතින්....
ඔබ දන්නවාද එච්.අයි.වී. ඒඩ්ස් .....
ඔබෙත්....
ඔබේ සහකරුවා හෝ සහකාරියගේත්.....
තම රුහිරෙන් ලොවට පුදන කිරිකැටියාගේත් ජීවිත විනාස කර දමන බව.....


සමාජය සංස්කෘතිය යන කඩතුරාවෙන් වසා....
ලොවටම රහසක් කර ලිංගිකත්වය ගැන පාඩම් තුරුණු වියට එළඹීමත් සමගම දැනුවත් කර දරුවන් යහමගට ගැනීම වෙනුවෙන් කරන ක්‍රියාවන්ට විරුද්ද වෙන සියල්ලෙනි.....
ඔබේ දරුවාට ගෙදරින් පිටට යාමට පෙර කොන්ඩමය ගත්තාදැයි....
උපත් පාලන ගිලින පෙති ගත්තාදැයි අසන්නට වෙන දවස වැඩි ඈතක නැත....
ඒ නිසාම නිසි අධ්‍යාපනය සදාචාරාත්මක ගති පැවතුම් මෙන්ම....
ලිංගික අධ්‍යාපනයද දරුවන්ට ලබාදීම මැනවි යන තැන අද අප සිටිය යුතුය.....

ඉහත දැක්වෙන කතාවේ ආරම්භය හෝ අවසානය ඔබට වටහා ගත හැකිද????


පුද්ගලයින් වූ කලී අතිශයෙන් හැගීම් දැනීම් සහිත වන බව අප දනිමු....
ලිංගිකත්වය තරමින් මිනිසුන් නොසන්සුන් වෙන තවත් හැගීමක් මා දන්නේ නැත....
නමුත්.....
තුරුණු විය බඹසර රැකීම මොන තරම් ඇවැසිද යන්න මෙන්ම ඒ බඹසරයෙහි අගනා කම්ද අමුතුවෙන් ඔබට කොනහා කීමට දෙයක් නැත....
විවාහයෙන් මත්තට උවද තම සහකරු හෝ සහකාරියට තම කොපමණ විශ්වාසවන්ත වේද යන කරුණ මත සිංහල සමාජය විවාහ ජීවිතේ සාර්ථකත්වය මැනීම සිදු කරයි....
ශ්‍රී ලංකාව තුල එච්. අයි.වී ආසාදිතයන් සංඛ්‍යාව අනෙක් රටවල් හා සාපේක්ෂව අඩු වීමට එයද හේතුවක් වී ඇත....

නමුත් මේ වන විට පිට රටවල් වල රැකියා සඳහා යන පිරිස තුල මෙන්ම....
පුර්ෂ සමලිංගික සබඳතා නිසා ඇතිවී ඇති එච්. අයි. වී ආසාදිතයන්ගේ සංඛ්‍යාව මේ වන විට වැඩිවෙමින් පවතින බව සංඛ්‍යා ලේඛණ මගින් සනාථව ඇත...

වෘතිමය ගණිකාවෝ එසේත් නැතිනම්... ගණිකා වෘතියෙහි නියැලෙන්නන් මෙන්ම නියලෙන්නියන්ද මේ ආසාදනය පිලිබඳ බොහෝ සෙයින් දැනුවත් වී ඇත....
ඔවුන් නිසි පරිදි සායන වලට පැමිණීමද.... අසාදනයන්ගෙන් වැළකීම සඳහා ගත යුතු ක්‍රියා මාර්ග ගැනීමටද නොපමාවම කටයුතු කරන්නට පෙළඹීම සතුට දනවන මෙන්ම බෙහෙවින් ධනාත්මක කරුණකි....

නමුත්..
මේ තත්වයට බොහෝවිට ගොදුරු වන්නේ... වෙරළ සරන්නන් එහෙමත් නැත්නම් බීච් බෝයිස්ලා සහ...
සම ලිංගික පුර්ෂයන් සහ...
නික්ෂේපන ක්‍රම මගින් මත ද්‍රව්‍ය ගන්නන්ය....

මේ සියල්ල අතරම සිතට සහනදායි එක් කරුණක් වන්නේය....
ඒ 2004 වසරින් පසුව එච්.අයි.වී ආසාදිතයන් සඳහා බෙහෙතක් සොයාගෙන තිබීමය....

නමුත් අප මෙය පුන පුනා කියන්නේය..
මෙහිදී සිදුවන්නේ වයිරසය පාලනය මිසක ශරීරයෙන් නැති කිරීම නොවන නිසා සාමාන්‍ය පරිදි ලිංගික ක්‍රියාකාරකම්හි නිරත වීමේදී අනිකාද ආසාදනය වීමට ඉඩ කඩ ඇත....


සියල්ලන්ගේම යහපත උදෙසා මේ සටහන අවසානයේ මෙසේ සනිටුහන් කරන්නෙමි....

ඔබ....

විශ්වාසවන්ත එක සහකාරියකට හෝ සහකරුවෙකුට සීමා වන්න...

ඔබ ඔබේ සහකරුට සහකාරියට විශ්වාසවන්ත වන්න....

අනාරක්ෂිත ලිංගික සබඳ කමකදී නිවැරදි ලෙස කොන්ඩමයක් පළදින්න....
 
පුර්ෂ සමලිංගික සේවනයේදීද කොන්ඩම් භාවිතය සිදු කරන්න...

එමෙන්ම. ..
මේ වන විට ඔබ....

එක වරක් හෝ.... වැඩි වාර ගණනක් අනාරක්ෂිත ලිංගික එක් වීමක් සිදු කර ඇත්නම්...

වහාම ලගම ඇති රජයේ එච්.අයි.වී සඳහා සායන පවත්වන ස්ථානයකට ගොස් එච්.අයි.වී සඳහා පරීක්ෂාවක් කරගන්න....
 
ඔබගේ රහසිගත භාවය පිලිබඳ අප වගකියන්නෙමු....

ඔබගේ නම හෝ භාවිතා නොකරන නොම්බරයකින් සියල්ල ලේඛන ගත කරන තරමටම රහස්‍ය භාවය සුරකින එම ආයතන....
ඔබේ අනාගතය සුන්දර කිරීමට ඔබට අත්වැලක් වනු නිසැකය.....


මතක තබා ගන්න.....

සුන්දර ඇරඹුමක්...
දුක් බර කතාවකින් කෙලවර කිරීමට ඉඩ නොතබන්න.....


ලිංගිකත්වය... ආදරය පෙරදැරි කර ගොඩනගන්න....







   

Sunday, November 18, 2012

කොතනද මට වැරදුනේ????





පාට වැටුන ලස්සන ලස්සන ජීවිත දැකල..
 

කළුත් නැති සුදුත් නැති.. 
මගේ ජීවිතේ පාට කර ගන්න...
පාට පාට හීන දැක්කා මං ...
 

කාගෙන් කාගෙන් හරි පාට ඉල්ලගෙන පාට කරගන්න ජීවිත අගේ නෑ  කියල මම දන්නා නිසා...
 

සේරම පාට එක තැනක තියෙන තැනක් හොය හොයා කල්පයක් තරම් කාලයක්...
 

අනන්තයක් තරමටම දුර... 
කකුල් රිදෙනකල් ඇවිදන් ගියා..
ඇවිදලා ඇවිදලා නුඹේ ළඟ මම නැවතුනේ....
 

නුඹ මට පෙන්නපු රෝස පාට... දම් පාට.. ලා නිල්... හීන නිසාමත් නෙමේ....
ඒත් ...
මම හොයපු පාට සේරම එතන ඇතියි කියල මට හිතුන නිසා...

 
කාලයක් ගතවෙනකොට.. මට ජීවිතේ වැටහෙනකොට ...
මම දැනගත්තා... නුඹ මට පෙන්නුවේ හීනම විතරක් බව...
 

ඒ හීන පාට පාට උනාට බිඳුනට පස්සේ..
අයෙත් මගේ පරණ පුරුදු ජීවිතේම මට ලබෙයිනෙ කියල මං ..
මම දැක දැක හිටපු සේරම හීන වලින් අවදි උනා..
 

එත්...
දැන් මගේ මුළු ලෝකෙම...
කලුයි සුදුයි....
 


මේ පාට දෙකට වඩා... පාට නොතිබ්බ මගේ ජීවිතේ ලස්සනයි...
 

මම ආපහු හැරිලා බැලුව...
ක්ෂිතජයෙන් දම්  පාට... ආකහෙන් සුදු පාට.. මල් වලින් නිල්  පාට... කොළ වලින් කොළ පාට..
 

එහෙන් මෙහෙන් හැම තැනින්ම පාට පාට එකතු කරපු සේරමල්ලගෙන ජීවිත පාට පාට වැටිලා..
එකම තැනකින් පාට එකතු කරන්න ගිය මගේ ලෝකේ අද කලුයි සුදුයි විතරයි...
 


කොතනද මට වැරදුනේ????

Monday, November 12, 2012

සදාතනික ඇත්ත....

 

ඇස් නිල් අහසට උස්සල අහස බැලුවේ හිත අනන්තයක නතර කරන්නම හිතාගෙන නෙමේ....
නිල්  අහසේ රත්තරන් පාට කවලම් වෙලා හැදුන  රෝස පාට වලාකුළු ඉබේටම මගේ මතකය අනන්තයකට අරන් ගියා....
හිත දුරට දුරට පියාඹල ගිහින් නතර උනේ නුඹේ ආදරණීය මතකය ළඟ....
හ්ම්ම්ම්ම්ම් ඒ මතකය හරිම ලස්සනයි නේද????
මම ආසාවෙන් මතක් කලා... ඔයා  මගෙන් ආදරේ ඉල්ලපු ඒ දවස...

උඩ පැන  පැන කෑ  ගගහ ඉන්න වෙලාවක..
හදිස්සියේම.... ඔයා ඒ දේ මගෙන් ඇහුව.. මට මෙලෝ දෙයක් තේරුනේ නෑ ඉතින්....
මම ටියුබ් ලයිට්නේ  හැමදාමත් ඔයා කියන විදිහට නම්...

ඈහ්... මොකක්ද කියන්නේ දැන් ඔයා මේ???  මගේ දඟකාර කම ඔයාට උත්තර දුන්නා...

නංගා....
මම සීරියස් කතා කරන්නේ... කියනවකො...

මොකක්ද අප්පා අහන්නේ...???? වද  නොදී ඉන්නවකෝ අය්යෝ....

ඔයා මගෙන් ඒ ගැන ආයෙත් කවදාවත් ඇහුවෙත් නෑ ...
කවදාවත් මම ඔයාට කැමතියි කිව්වෙත් නෑ ...
ඒත් ...
අපි ආදරේ කලා.. ඔයාට මතකත් නැතුව ඇති...
මම උන්නේ කිරිල්ලියෙක් වගේ...
ඔයා මට නිදහසේ පියාඹන්න අහසක් උනා...
අම්මල ඒ අහස තවත් ලොකු කරලා බාදක කඩොලු අයින් කරලා දුන්නේ අපි ආදරෙන් ඉන්න බව එයාලට දැනුන නිසා වෙන්න ඇති...
කාලය හිමින් හිමින් ගෙව්නේ  ජීවිතේ උස් තැන්  පහත්  තැන්  මට අපූරුවට අවබෝධ කරන ගමන්...
ඒ එදා...

අද....
මේ ලස්සන ඉර බැහැල ගිහින් හෙට එළිවෙන ජාමේ මම ආසාවෙන් එක එක ස්ටයිල් දාපු මගේ කොන්ඩේ  වෙනුවට මුඩු  හිසක් මට උරුම වේවි...
දිගට කොටට රැලි රැලි... අන්දපු ස්කර්ට් ...
පාට පාට ඩෙනිම් වෙනුවට තනි කහ පාට ඇඳුමක් ....
මම මෙහෙම වෙනස් උනේ කොහොමද ඇත්තටම????

චුටි දෝණි ... ඔයාට මේ ජීවිතේ හුරු වෙන්න බෑ මගේ පුතේ... ඕක හිතෙන්  අයින් කරන්න...
අම්මා කොච්චරවත්නම් මට කියන්න ඇත්ද????
එත් නුඹේ වියෝවෙන් දුක් වින්ද මගේ හිතට බුදු පාමුල ඇරෙන්න වෙන සරණක් නෑ ....

තත්පර ගෙවෙන්න ඇති....
මිනිත්තු ගෙවෙන්න ඇති....
පැය  ගෙවෙන්න ඇති....
නොදැනීම පාන්දරත් වෙන්න ඇති...
කොහොමත් නුඹේ මතකයන් එක්ක මට වෙලාව යනවා දැනෙන්නේ නෑ  කවදත්....

දෝණි ... යමුද????
හොඳට හිතල බලන්න... නවතිනවානම් තවමත් වෙලාව තියෙනවා....

නෑ  මෑණියෝ...
යමු...
නවතින්න තමා මමත් මේ ගමන යන්නේ...

සුදු වැලි පොලව දිගේ හිමිහිට පා තියල ඇවිදන් යනකොට ආයෙත් හිත ඈතට දිව්වා...

ම්ම්ම්... මොකෝ මේ... ???

ඇයි???

මහණ වෙන්නද ඉන්නේ...

අපෝ නෑ ...
ඔයාව බැඳලා  පව්ල්  වෙන්න තමයි ඉන්නේ???

නඟා... කට වැඩියි හොඳේ....

ඒ මගේ හීනේ...
එදා මට හීනෙන්වත් හිතුනේ නෑ  ඒ හීනේ දකින අන්තිම දවස එදා කියල...

ඔව් අයියේ...
අඩුම  මාව දාලා යන්නම යන්න  නොයා වෙන කෙනෙක්ගේ වෙලා හරි මේ ලෝකේ උන්නනම්...
මම දුක් වෙන්නේ නෑ ...
ඔයා අපි සේරමව දාල  ගියේ මොකද කියල හිතා ගන්න බෑ මටනම්....
ඔයා ගියා...
ඒත් .. මට සදාතනික ඇත්ත ඔප්පු කරලා යන්න ගියා....


අත්ථි  ඉමස්මිං  කායේ..   කේසා.. ලෝමා.. නඛා.. දන්තා.. තචෝ... මංසං.. නහරු.. අට්ඨි..
මේ ඇහෙන්නේ සත්‍යයේ හඬ...
අපි නොපිලි ගන්න ඇත්ත....
කෙස් රොද  රොද  ඔඩොක්කුවට වැටෙද්දී හිත සැහැල්ලු උනා...
ඔයාව මතකයෙන් ඈත් කරලා...
හිත නිවාගන්න කාලේ හරි...
ටිකකට කලින්  උඩරට මනමාලියක් විදියට ලස්සනට හිටපු මගේ රූපය වෙනස් වෙද්දී බලන් ඉන්න බැරි උන අම්ම... එතනින් යනවා මම බලන් උන්නේ කඳුළු පුරෝගෙන...
අම්මේ මම අදින් පස්සේ නිදහස්...
මේක තමයි ඇත්ත....
ලෝ පවතින දහම...

ඔයාට පින් අයියේ..
ඔයා මට ඔප්පු කරලා ගිය ඇත්ත...
අපි එතෙර වෙමු...
මම පටන් ගන්නම් ඔයත් එන්න...  
හිත සැහැල්ලුවෙන් මම කසාවතට හුරු උනා...

ඉදම්මේ  ඥාති ඉමං හෝතු ...

හිත පුරාවටම ඔයාට පින් දීල... මම හිතෙන් ඔයාව අයින් කලා ...
අදින් පස්සේ මම....

සුමනා සිල් මෑණියෝ....

ජීවිතේ පුදුමයි නේද????
සංසාරේ ආයෙත් අපි මුණ ගැහෙයි...
එදාට අපි දෙනන් මේ ගමන එකතු වෙලා එකටම යමු...
අපි ගිවිස ගමු....
ඔයා එනවා නේද????

මම දන්නවා මේ තරම් කාලයක් මුකුත්ම නොකියම බෑ  නොකියම... හෙමීට මගේ පා සලකුණු දිගේ ආපු ඔයා...
හැමදාටම මේ සසරින් එතෙර වෙනකල් මාත් එක්කම ඒවි....
මට විශ්වාසයි....


Thursday, November 1, 2012

පාළුව.. තනිකම...




ජීවිතේ හිස් බවින් පිරී ඉතිරිලා දැන්...
තනිකමයි.. පාළුවයි...ලෝකයම වෙලා දැන්...

මේ තනිය දුරලන්න...
පාලුවට ළඟ ඉන්න...
පුංචි තරු සලකුණක්...
සිත්තමට නගන්නම්...

මගේ පුංචි තරු කැකුළ..
අමාවක කාලයට...
ත නොහැර සිත් අහස...
සදහටම රැඳෙනවාද???

එසේ නුඹ රැඳෙයි නම්..
කල්පයක් සුවහසක්...
වලා පට වී මමත්...
වෙලී ළඟ රැඳෙන්නම්...

Monday, October 29, 2012

තිර කලෙද අතිර බව...







කළා සොලොසක් පිරුණු...

පින් බර වූ පුරා සඳ...

රන් රැසින් නෑවෙමින්...

නැගී දිලෙනා රැයක...

මාර සෙන් පරදවා...

බිඳ දමා සසර දුක...

ලෝ සතට දයාවෙන්...

තිර කලෙද අතිර බව...

Sunday, October 28, 2012

මගේ අයිතිය...





නුඹ ගැනම හිත හිත...

නුඹටම කැපව...
රැයක් දවාලක් නැතිව...
පෙම් කල නුඹට...
අහිමි බව දැන දැනම..


හිමිකම් කීවද නුඹේ වෙදැගිල්ල..
ඇගේ රන් මුදුවට...
ඔබේ ස්පේශය ඇගේ උවද...
නුඹේ සිත මගේ නේද???
නුඹේ දෑසේ කාන්තිය මගේ නේද???


නුඹ ඇගේ බව දැන දැනත්...
නුඹ අහිමි වග දැනදැනත්...
නුඹට පෙම් කල මට...
නුඹේ දෙපා අහිමි වීම හේතුවක්ද දුරස් බවට?????
ඔය සිරුර හැමදාමත් මගේ නොවෙයි නේ...
මට හිමි නුඹේ හිත..
නුඹේ ආදරයම විතරයි නේ...






Saturday, October 13, 2012

මගේ ආදරේ....





හබරල පතක පිණි බිංදු නොරැන්දෙනා සේම...
 

මම කොයි තරම් පෙම් කලත් නුඹට...
 

මටත් නොකියම...
 

නුඹටත් නොදැනීම...
 

මගේ ආදරේ ගිලිහී ගිහින් බිම වැටිලා...
 

හොර රහසේම..



Thursday, October 11, 2012

මම ආයේ නොඑන වග නුඹ වටහා ගත්තදෙන්...




දම් පාට පුංචි මල්... 
මග බලා සිටිද්දෙන්...
රෝස පැහැ රෙබරෝස්..
මිලින වී ගියාදෙන්...
කහ පාට මල් මැරී..
පොලව සිප ගත්තදෙන්...
මැයි මලුත් අවාරේ..
පර වෙලා ගියා දෙන්..

මල් පාර ඉකි ගසා... පාළුවට ගියාදෙන්...
සුදු පාට සමනල්ලු කළු වෙලා ගියාදෙන්...
දහවලේ දැල්වෙනා වීදි කොන පහන් කණු...
රාත්‍රී මැදියමේ නොදල්වී තිබෙද්දෙන්...

මා අතර ගිය නුඹේ නෙතු කඳුළු නැගෙද්දෙන්...
වියැලිලා ගිය පඳුරු යට සුසුම් හෙලෙද්දෙන්...
ජීවිතේ හැමදාම මග බලා හිඳිද්දෙන්...
මම ආයේ නොඑන වග නුඹ වටහා ගත්තදෙන්...


 සමාවෙන්න මට පොස්ට් එක එඩිට් කරන්න උනා...
මේක පබ්ලිෂ් කරන්න නෙමේ හිටියේ සේව් කරන්න ගිහින් හදිස්සියේ පබ්ලිෂ් උනා...
මේක ලියන්න හේතුව ලියන්න උනේ නෑ.. ඒ නිසා එඩිට් කරලා ලියන්න උනා...

මේක ලියන්නේ ගැහැණු ළමයෙක්....
එයාව ඇත ඇරලා ගිය පිරිමි ළමයට...
මේ කවිය ඇතුලේ පලිගැනීම තියෙනවා කියල සමහරවිට මට දෝෂාරෝපණ එන්නත් පුළුවන්...
එත්....
මේක මේ ගැහැණු ළමයා විසින් තමන්ගේ හිත හදාගන්න තමන්ටම කියන කවියක්.... 
ඒකයි එයා කියන්නේ ඔයාටත් කඳුළු එන්න.. සුසුම් විඳින්න වෙන්න කියලා...
අන්තිමට ගැහැණු ළමය කියන්නේ...
මම අයෙත් එන්නේ නෑ... ඒක තේරුම් ගන්න කියල...
එහෙම කියන්න පසුබිම හදාගන්න උඩින් තියෙන සේරම දේවල් වෙන්න කියල කියනවා මිසක් එයට ඕනේ නෑ පිරිමි ළමයට සාප කරන්න..
ගැහැණු ළමයි බහුතරයක් එහෙමමයි....
එහෙම නේද????




අහංකාර ගැහැණු සිත...






නුඹ හදවතට එන්නේ.. මද පවනක් වගේ...

එත්.. මම නුඹට සැඩ සුළඟක් වගේ...

නුඹ මම දිහා බලන්නේ ආදරේ පුරෝගෙන...
එත්.. මම නුඹට රවන්නේ.. නපුරුකම් මවාගෙන..

නුඹ මට හිනැහෙන්නේ ඇත්තටම ආදරේට...
මං නුඹට හිනැහෙන්නේ.. ඔච්චමට විහිලුවට...

මට සමාවෙයන් ආදරණීය හදවත...
නුඹ ප්‍රේමනීය උනත් අපමණව..
දයාවෙන් පිරුණා උනත් අසීමිතව...
මං අහංකාරයි අනන්තව...

ඔව්...
මං තමයි මෙල්ල නොවන අහංකාර ගැහැණු සිත...





අහංකාර ගැහැණු සිත...